ISKUHI TRAVEL AGENCY

Ջամայկա

Երկրի մասին

Ջամայկան տուրիստների շրջանում չունի նույնքան ճանաչում, որքան Մալդիվյան կամ Կանարյան կղզիները: Սակայն շուտով այս վայրն, իսկապես, կսկսվի գնահատվել իր լիցքաթափող և տրամադրող բնությամբ և մթնոլորտով: Ավազե լողափերը կստիպեն Ձեզ լիարժեք վայելել հանգիստը: Այստեղ չկան զարգացած տուրիստական կենտրոններ, հյուրանոցներ կամ սպասարկման բարձր ոլորտ, սակայն հոլիվուդյան աստղերը իրենց հանգիստը նախընտրում են անցկացնել հենց Ջամայկայում:

Տեսարժան վայրեր

Կինգստոն քաղաքում է գտնվում թանգարանների մեծ մասը` պատմական թանգարանը, բնական պատմության թանգարանը, գեղարվեստի թանգարանը, Բոբ Մարլիի տուն-թանգարանը: Մոնտեգո-Բեյ տուրիստական կենտրոնում գտնվում է հնդկական մշակույթի թանգարանը, Գրիվուդ-Գրեյթ-հաուս թանգարանը շքեղ հնամյա կահույքով, երաժշտական գործիքներով, ինչպես նաև Մո-Բեյ-Անդերսի անդրջրյա այգին: Նեգրիլայում մեծ ճանաչում ունեն Յաս ջրվեժը, Էփլթոն քաղաքը և Ռոուրինգ այգին: 

Ավանդույթներ

Ջամայկայի երաժշտական և պարերի հարուստ ավանդույթները պահպանվել են աֆրիկյան մշակույթից: Այնպիսի երգիչներ, ինչպիսին է Բոբ-Մարլին (1945 - 1981), ջազի և ռոքի միջոցով վերականգնել են տեղի ավանդույթները, որի արդյունքում երաժշտության այդ տեսակն անվանվել է ռեգգի և մեծ ճանաչում է ձեռք բերել ողջ աշխարհում: 

Խոհանոց

Ջամայկայի խոհանոցը բազմաթիվ էթնիկական ավանդույթների խառնուրդն է: Նախաճաշին սովորաբար մատուցում են ակի աֆրիկական միրգը, լանչին` թեթև նախուտեստներ, միս կամ բանջարեղենից պատրաստված խմորեղեն: Հիմնական մսատեսակներն են այծի և խոզի միսը: