Վենեսուելա
Մայրաքաղաքը` | Կարակաս |
Տարածքը (կմ2)` | 916 445 |
Բնակչությունը` | 28 926 000 |
Պետական լեզուն` | իսպաներեն |
Դրամական միավորը` | բոլիվ ար |
Օդի միջին ջերմաստիճանը` | ցերեկը` +30°C - +34°C գիշերը` +22°C - +26°C |
Առաջարկվող հանգստի տեսակը` | ծովափնյա էքսկուրսիոն |
Երկրի մասին
Վենեսուելան գրավում է բազմաթիվ տուրիստների իր գունագեղ բնության, աշխույժ քաղաքների, հագեցած գյուղերի և տեսարժան վայրերի շնորհիվ: Երկիրն իսկապես կյանքով լեցուն և աղմկոտ հանդիսություններով լի վայր է, ինչը նաև բնութագրում է տեղի բնակիչներին: Երկիրը հայտնի է ակտիվ հանգստի սիրահարների շրջանում: Այստեղ կարելի է արշավ կազմակերպել դեպի հայտնի Ռոռայմա լեռը: Այստեղ է գտնվում աշխարհի ամենաբարձր ջրվեժը` Անխելը: Քաղաքի հարմարավետությունը նախընտրող տուրիստներին առաջարկվում է այցելել Վենեսուելայի մայրաքաղաք Կարակաս: Քաղաքում տեղ են գտել բազմաթիվ ռեստորաններ, խանութներ, որոնց կարելի է հանդիպել գրեթե ամեն քայլափոխի:
Տեսարժան վայրեր
Կարակասը հանդիսանում է երկրի մշակութային, պատմական և տնտեսական կենտրոնը: Ներկայումս աշխատանքներ են տարվում քաղաքի վերակառուցման ու բարելավման համար: Կառուցվում են ժամանակակից երկնաքերեր, վերանորոգվում են ճարտարապետական կոթողները, բացվում են նոր խանութներ, ռեստորաններ, սրճարաններ: Քաղաքի տեսարժան վայրերից առանձնանում է Իգլեսիա-դե-Սան-Ֆրանսիսկո եկեղեցին, որը ամենահինն է քաղաքում: "Թանգարանների հրապարակում" են գտնվում գաղութային և ժամանակակից մշակույթի թանգարանները, ինչպես նաև տրանսպորտի թանգարանը: Մերիդան տուրիստների ամենասիրելի վայրն է: Այն ուսանողական փոքր քաղաք է, որտեղ գտնվում է լեռնային ամենաբարձր և երկար ճոպանուղին Հայաստանի ճոպանուղուց հետո: Տուրիստներն այցելում են Վենեսուելա նաև Կարիբյան ծովում հանգստանալու նպատակով:
Ավանդույթներ
Վենեսուելան կաթոլիկ երկիր է, այդ պատճառով էլ ազգային ավանդույթներին հետևելու հիմքում ընկած է քրիստոնեական վարքը: Եկեղեցին համարվում է քաղաքական, մշակութային և հոգևոր կյանքի կենտրոն: Որոշ շրջաններում պահպանվել են հավատքի տեսակներ: Մեծ արճեք է հանդիսանում ընտանիքը: Բնակիչները ազատ ժամանակը հիմնականում անցկացնում են ընտանիքում` երեխաների հետ, ինչով նրանք հպարտանում են: Նրանք նաև հանդիսություններին են ներկայանում ընտանիքով:
Խոհանոց
Ազգային խոհանոցի հիմքն են կազմում ձուկը, միսը, լոբին, բրինձը, կարտոֆիլը, յուրահատուկ բանանները և համեմունքները: Ընդունված է լոշիկի մեջ փաթաթել միս, ձուկ, պանիր և բանջարեղեն: Հաճախ լոշիկները ծառայում են որպես հաց կամ նույնիսկ գդալ սոուսի համար: Հայտնի են նաև քաղցր նրբաբլիթները պանրով` կաչապան: Ռեստորաններն առաջարկում են խոզի, թռչնի, տավարի մսատեսակների լայն ընտրանի: