Կոլումբիա
Մայրաքաղաքը` | Բոգոտա |
Տարածքը (կմ2)` | 1 138 910 |
Բնակչությունը` | 45 618 000 |
Պետական լեզուն` | իսպաներեն |
Դրամական միավորը` | կոլումբիական պեսո |
Օդի միջին ջերմաստիճանը` | ողջ տարին ափամերձ շրջաններում` +27°C |
Առաջարկվող հանգստի տեսակը` | ծովափնյա էքսկուրսիոն |
Երկրի մասին
Կոլումբիայի ՀանրապետությունԿոլումբիան գտնվում է Հարավային Ամերիկայի հյուսիս-արևմուտքում: Ափերը ողողվում են Խաղաղ օվկիանոսի և Կարիբյան ծովի ջրերով: Երկրին են պատկանում նաև Սան Անդրես, Պրովիդենսիա (Կարիբյան ծովում) և Մալպելո (Խաղաղ օվկիանոսում) կղզիները: Յուրաքանչյուր տարվա օգոստոսին Կոլումբիայում մեծ շուքով նշվում է Ծաղկի տոնը: Կոլումբիան իսպանացիները հայտնաբերել են 1499 թ-ին: XVI դարի 30-ական թվականներին նրանք վերջնականապես նվաճել են երկիրը` հարակից տարածքներով, և դարձրել գաղութ` Նոր Գրանադա անունով (ընդգրկում էր նաև Էկվադորի, Պանամայի, Վենեսուելայի տարածքները), որը հետագայում տրոհվել է: Երկրի հիմնական բնակիչները կոլումբիացիներն են:
Տեսարժան վայրեր
Երկրի մայրաքաղաքը Բոգոտան է, որը հանդիսանում է տնտեսական և մշակութային խոշոր կենտրոն: Այն իրենից ներկայացնում է նեղ փողոցների, առևտրի կենտրոնների, եկեղեցիների, ժամանակակից գրասենյակների, աղքատ թաղամասերի զարմանալի համադրություն: Քաղաքում կան նաև բազմաթիվ թանգարաններ` մշակույթի և ազգային ավանդույթների թանգարանը, Սիմոն Բոլիվերի տուն-թանգարանը և այլն: Կարտահենա փոքրիկ քաղաքը համարվում է Կոլումբիայի ամենահրաշալի քաղաքը, որտեղ գտնվում է քաղաքի ամենահին եկեղեցին` Իգլեսիա-սե-Սանտո-Դոմինգոն: Կարիբյան ծովի լավագույն հանգստավայրն է համարվում Սան-Անդրեասը:
Ավանդույթներ
Կոլումբիան իսկական էթնիկական մոզաիկա է: Հնդկացի ցեղերի ավանդույթների խառնուրդը իսպանական և աֆրիկական ցեղերի ավանդույթների հետ բերել է յուրօրինակ և զարմանալի ցեղատեսակի ստեղծմանը: Բոգոտայի բնակիչներն ունեն սառնասիրտ և ամբարտավան մարդկանց համբավ` խորասուզված աշխատանքի և քաղաքականության մեջ: Իսկ հարավում բնակվողներն առավել բարի, շփվող և ընկերասեր մարդիկ են թվում:
Խոհանոց
Ազգային խոհանոցի հիմքն են կազմում լոբին, եգիպտացորենը, կարտոֆիլը, բրինձը, ծովամթերքները և միսը: Մսային կերակրատեսակներից հայտնի են չորիզո երշիկը, պանդեխա-պայսան, բրնձով և լոբով տապակած միսը: Ուտեստներում հաճախ համադրվում են բանջարեղենի տեսակները մսատեսականու հետ: